انتشرت في الساعات القليله الماضيه خبرآ عن اعلان الجيش الكوري الشمالي بتنفيذ هجمات نوويه ضد الولايات المتحده الامريكيه,وعلي الرغم من أن الخبر سبب ذعرآ في بلدان العالم فقد ينذر بحرب عالمية ثالثة واعرب الكثيرين عن قلقهم من هذا التصعيد في شبه الجزيرة الكورية.الا أن شباب موقع التواصل الاجتماعي “الفيس بوك”اعتبروا هذا الخبر ماده خصبه للسخريه فجاءت تعليقاتهم رافضه لممارسات جماعه الاخوان المسلمين وربطوا الحدث بالاوضاع السياسيه بمصر بطريقه ساخره.
وعلق البعض ” قطر تتطلب استضافة الحرب النووية بين امريكا و كوريا الجنوبية ع اراضيها”.
“الرئيس الكوري لرئيس اوباما قتلانا ف الجنة… وقتلاكم ف النااار”
” انا اللي صعبان عليا الجنود الامريكان كل مايقتلوا واحد كوري ويشوف واحد تاني يقولوا انا مش لسه قاتلك من شوية”
وعلق البعض رابطين بين الحدث وبين اشهر جمل لشخصيات سياسيه ودينيه مشهوره مثل ابو اسماعيل وجملته الشهيره ” الشاحن ضاع”,وحصارانصاره لمدينه الانتاج الاعلامي ومثل جمله دكتور مرسي “لو أضطررت لفعلها ..سأفعلها” وجاءت العليقات كالتالي:
” فين ياعم الحرب……الواد دا بيشتغلنا ولا ايه…..هوا شكله نسي الشاحن وهيطلع بوء ع فاضي زي اللي عندنا”
” أبو أسماعيل بيهدد كوريا : اللى هيقرب من بيت أمي فى أمريكا.. هحاصر مدينة الأنتاج الأعلامى”
“كيم جونغ أون : ان اضطررت سأفعل .. وها أنا أفعل”
وهناك من ربطها بقضيه اللاجئات السوريات ” قبل اي حاجة بنرحب بالاخوات الامريكياات الشقيقااات….انهم ينزلوا عندنا لاجئات ف ارض الكنانة في مصر”
وعلق البعض علي الدوري المصري “رئيس نادي الزمالك يطلب من الرئيس الكوري بعدم بدأ الحرب الا بعد الانتهاء من الدوري”
وبالنسبه للرئيس السابق محمد حسني مبارك فكان له نصيب من السخريه فعلق نشطاء الفيس بوك علي لقبه السابق “صاحب اول ضربه جويه”
” نصيحه إلي أهل كوريا : صاحب الضربة الجوية الاولى في الحرب دي.. بعد ما يعمل عملته اقتلوه… عشان هيزل اهاليكم بعد كدة بأم الضربة دى”
ويظل الشعب المصري يسخر حتي من نفسه فجاءت تعليق احد الشباب كالاتي:
” كوريا شمالية لو شافت كمية الالش اللي عملناه عليهم…مش بعيد يقلبوا الحرب علينا”
وتناقل نشطاء الفيس بوك صوره للشخصيه الكاريكاتيريه “أساحبي” مكتوب عليها ” حرب نوويه بين امريكا وكوريا ..العالم كله مرعوب من الحرب دي ماعدا الشعب المصري..نفسه الحرب تبدأ علشان يتفرج”