المجلس: “لسه مجاش الوقت اللى نطمن ونرجع لحياتنا الطبيعية.. صحتك مش لعبة لازم تهتم”
ناشدت رئاسة مجلس الوزراء، المواطنين عدم تقليل اهتمامهم باتخاذ الإجراءات الوقائية لمجابهة فيروس كورونا المستجد.
وأعد مركز المعلومات ودعم اتخاذ القرار، التابع لمجلس الوزراء، فيديو توعوى، يؤكد عدم اختفاء الفيروس، أو اكتشاف علاج له، مع ضرورة اتخاذ المواطنين للإجراءات الاحترازية، وعدم تخفيفها.
وقال “المركز”، فى الفيديو: “مين قالك إن الفيروس اختفى؟!.. ليه اهتمامك بنفسك واللى حواليك قل؟!.. ليه مبقتش تلبس الكمامة وتستخدم المطهرات وتغسل إيدك بالميه والصابون زى كل يوم؟!”.
وتابع: “هل مستنى أن حد عزيز عليك يروح منك أو حتى يتعب ويتألم ولو ليوم واحد عشان تقدر خطورة الموقف اللى بنمر بيه؟!”.
وشدد على أن الرسالة التوعوية التى يرسلها “المجلس” من الفيديو ليست رسالة تخويف، ولكن تذكير بأن الفيروس ما زال موجود، ولم يكتشف له علاج، وهناك كل يوم أشخاص تصاب وتموت بالفيروس للأسف.
وتابع: “لسه مجاش الوقت اللى نطمن ونرجع لحياتنا الطبيعية زى الأول”، مضيفاً: “صحتك، وصحة نفسك، وأهلك مش لعبة ولازم تهتم”. وطالب المواطنين بعدم الاستهتار بالإجراءات الوقائية التى تناشد الدولة المواطنين إتباعها، أو منظمة الصحة العالمية التى تقدم نصائح قيمة أيضاً.
وقال: “عشان نعدى الأزمة دى لازم أنت كمان تساعد وتقوم بدورك.. حافظ على نفسك وأهلك وبلدك وخليك قد المسئولية”.
كتبت: إيمان السيد